क्रिकेट खेलाडीको हौसला बढाउन रवि लामिछाने श्रीलंका प्रस्थान

काठमाडाैं । राष्ट्रिय स्वतन्त्र पार्टी (रास्वपा) का सभापति रवि लामिछाने नेपाल र भारतको क्रिकेट हेर्न श्रीलंका प्रस्थान गरेका छन् । नेपाली टिमलाई समर्थन गर्न सभापति लामिछाने श्रीलंका प्रस्थान गरेका हुन् ।

एसिया कप क्रिकेटको आफ्नो दोश्रो खेलमा नेपालले भोलि भारतसँग खेल्दै छ । श्रीलंकाको पल्लेकेलमा यो खेल नेपाली समयअनुसार दिउँसो सवा ३ बजे सुरु हुनेछ ।

नेपाल पहिलो खेलमा पाकिस्तानसँग २ सय ३८ रनले पराजित भएको थियो ।