लागातार तीन दिन बढेको सुनको मूल्य साताको अन्तिम दिन घट्यो, कतिमा हुँदैछ कारोबार ?

काठमाडौं । साताको अन्तिम दिन सुनको मूल्यबाट घटेको छ । बिहीबार एक हजार रुपैयाँ बढेर रेकर्ड कायम गरेको सुनको भाउ शुक्रबार १ हजार ३०० रुपैयाँले घटेको हो ।

शुक्रबार छापावाला सुनको भाउ १ लाख ३२ हजार ७०० रुपैयाँमा कारोबार भइरहेको छ । बिहीबार छापावाला सुनको भाउ प्रतितोला १ लाख ३४ हजार रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार शुक्रबार तेजावी सुन प्रतितोला १ लाख ३२ हजार ५० रुपैयाँमा कारोबार भइरहेको छ । बिहीबार तेजावी सुन प्रतितोला १ लाख ३३ हजार ३५० रुपैयाँमा कारोबार भएको थियो ।

यस्तै, शुक्रबार चाँदी प्रतितोला १ हजार ६१५ रुपैयाँमा कारोबार भइरहेको छ । बिहीबार चाँदी प्रतितोला १ हजार ६५० रुपैयाँमा कारोबार भएको थियो । शुक्रबार चाँदी प्रतितोला ३५ रुपैयाँले घटेको हो ।

अन्तराष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ । अन्तराष्ट्रिय बजारमा बुधबार सुन प्रतिऔंस सुन २ हजार २७८ दशमलव ९१ डलरमा कारोबार भइरहेको छ भने प्रतिऔंस चाँदी २६ दशमलव ५५ डलरमा कारोबार भइरहेको छ ।