पोखरा क्षेत्रीय अन्तर्राष्ट्रिय विमानस्थलको टर्मिनल भवन निर्माण सुरु

काठमाण्डौँ — पोखरा क्षेत्रीय अन्तर्राष्ट्रिय विमानस्थलको टर्मिनल भवन निर्माण बुधबार सुरु भएको छ ।

पर्यटन तथा नागरिक उड्डयनमन्त्री रवीन्द्र अधिकारीले बुधबार शिलान्यास गरेपछि विधिवत् निर्माण सुरु भएको हो ।
अहिले विमानस्थलमा जमिन सम्याउने काम पनि भइरहेको छ ।

अबको एक महिनापछि रनवे निर्माणको काम पनि सुरु गरिने नागरिक उड्डयन प्राधिकरणका निर्देशक प्रदीप अधिकारीले बताए ।

१४ हजार वर्गमिटर क्षेत्रफलको टर्मिनल भवन २०२० को जुलाईसम्ममा निर्माण सम्पन्न गर्ने लक्ष्य छ ।

यसमा अन्तर्राष्ट्रिय उडानका लागि ८ हजार र आन्तरिकका लागि ६ हजार वर्गमिटर क्षेत्रफल छुटयाइएको निर्देशक अधिकारीले बताए ।

— कान्तिपुर