सेलट्रोन नेपालले नेपाल भित्र्याउँदै ‘अनर म्याजिक भि २’, कति पर्छ मूल्य ?

काठमाडौं । अनरको लागि नेपालको एक मात्र आधिकारिक विक्रेता सेलट्रोन नेपाल प्रालिले ‘अनर म्याजिक भि २’ नेपालमा ल्याउन लागेको छ । विश्व इन्नोभेसन दिवसको अवसरमा लन्च हुन लागेको अनरको अहिले सम्मकै पातलो र हलुका यो फोन नेपाल ल्याउन लागेको कम्पनीले जानकारी दिएको हो ।

१६ जीबी र्याम तथा ५१२ जीबी स्टोरेजमा उपलब्ध यो फोनको मूल्य २ लाख ३९ हजार ९ सय ९९ रुपैयाँ राखिएको छ भने पर्पल र भेगन लेदर भएको ब्ल्याक गरि दुई रङ्गमा पाइन्छ ।

२३१ ग्राम तौल भएको यो फोन दश वर्षसम्म दिनको १०० पटक फोल्ड गर्दा पनि केहि नहुने कम्पनीले बताएको छ ।

यसमा ५००० एमएएच क्षमताको डुअल सिलिकन–कार्बन ब्याट्री राखिएको छ भने त्यसलाई ६६ वाटको चार्जरले चार्ज गर्न सकिन्छ । ३८४० हजर पावर डिमाइनिङ ओलेड एलटीपीओ डिस्पले रहेको छ । यसमा ५० एमपीको मुख्य क्यामेरा, ५० एमपीको अल्ट्रा–वाइड क्यामेरा, र २० एमपीको टेलिफोटो क्यामेरा रहेको छ ।

कम्पनीले लन्चिङ अफरहरू पनि ल्याएको छ । जसमा अर्ली बर्ड अफर, म्याजिक अफर र गो बियन्ड अफर गरि तीन प्रकारमा विभाजित गरिएको छ ।

यी तिन अफर मध्ये आफ्नो लागि उपयुक्त एउटा अफर छान्न सक्ने कम्पनीले बताएको छ । अर्ली बर्ड अफरमा अनर एक्स ८ बी र अनर च्वाइस इएरब्डस एक्स ५ को निःशुल्क उपहार रहेको छ । यस्तै म्याजिक अफरमा अनर वाच ४, अनर च्वाइस इएरब्डस एक्स ५ र योयोसो भाउचर
भाउचर छ । त्यस्तै, गो बियन्ड अफरमा भेस्पाको छुट भौचर छ ।

ग्राहकहरूले यसलाई अफलाइन अधिकृत अनर स्टोरहरू, दराज र हुकुट जस्ता अनलाइन प्लेटफर्महरू मार्फत पनि किन्न सक्ने कम्पनीले बताएको छ ।