प्रभु बैंक र होटेल हिमालयबीच विशेष छुट सम्झौता

काठमाडौं । प्रभु बैँकका कर्मचारी तथा ग्राहकले ललितपुरको कुपण्डोलस्थित होटेल हिमालयमा विशेष छुट पाउने भएका छन् ।

आफ्ना ग्राहक र कर्मचारीलाई होटेलको सम्पूर्ण सेवाहरूमा छुट सुविधा उपलब्ध गराउन बैंकले हिमालय होटेलसँग विशेष सम्झौता गरेको छ । सम्झौतामा प्रभु बैंकका चिफ मार्केटिङ्ग अफिसर रवीन्द्र ढकाल र बजार व्यवस्थापक सबिन राणा तथा होटेल हिमालयका बिक्री प्रबन्धक भुपेश लेखकद्वारा हस्ताक्षर भएको छ ।

सम्झौता अनुसार प्रभु बैंकका कर्मचारी तथा ग्राहकवर्गहरुले बैंकसँगको आवद्धता प्रमाणका आधारमा होटेलमा उपलब्ध सम्पूर्ण सेवा सुविधाहरुमा विशेष छुट प्राप्त गर्न सक्ने बैंकले जनाएको छ ।

ऐतिहासिक, सांस्कृतिक एवम् धार्मिक महत्व बोकेको उपत्यकाको मुटुमा अवस्थित ललितपुर आफैमा एक कलात्मक शैलीको परिचय बोकेको सहर हो । कृष्ण मन्दिर, पाटन दरबार स्क्वायर, स्वर्ण बिहार जस्ता पर्यटकीय क्षेत्रको अवलोकन गर्न यस सहरमा देश तथा विदेशबाट पर्यटकहरुको आगमन हुने गरेको पाइन्छ ।