समता घरेलु लघुवित्तको एफपीओ निष्कासन

काठमाडौं । समता घरेलु लघुवित्त वित्तीय संस्थाले आजदेखि थप सार्वजनिक निष्कासन (एफपीओ) निष्कासन गरेको छ ।

कम्पनीले प्रतिकित्ता सय रुपैयाँका दरले ३ करोड ५० लाख ९० हजार ४२५ रुपैयाँको ३ लाख ५० हजार ९०४.२५ कित्ता सेयर निष्कासन गरेको हो ।

बैंक तथा वित्तीय संस्था सम्बन्धी ऐन २०७३ को दफा ९ बमोजिम सर्वसाधारणको पुँजी संरचना ३० प्रतिशत कायम गर्न एफपीओ निष्कासन गर्न लागेको जनाएको छ ।

सेयरमा आजदेखि २० गतेसम्म आवेदन दिन सकिनेछ । यो अवधिमा माग अनुसार आवेदन नपरेमा कात्तिक २६ गतेसम्म आवेदन दिन सकिने छ ।

यसमा न्यूनतम १० देखि अधिकतम १ हजार कित्तासम्म आवेदन दिन सकिनेछ । सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सकिनेछ ।

यसको बिक्री प्रबन्धक मुक्तिनाथ क्यापिटल रहेको छ ।