‘नहल्लिने क्यामेरा’ प्रविधि भएको सामसङ ग्यालेक्सी एम १७ ५जी नेपालमा

काठमाडौँ । सामसङले नेपालमा आफ्नो लोकप्रिय ग्यालेक्सी एम शृङ्खलाको नयाँ स्मार्टफोन, ग्यालेक्सी एम१७ ५जी, सार्वजनिक गरेको छ ।

उत्कृष्ट बनोट र बलियो टिकाउपनसहित आएको यो स्मार्टफोनले आफ्नो समूहमै पहिलोपटक अप्टिकल तस्बिर स्थिरीकरण (ओआईएस) अर्थात् ‘नहल्लिने क्यामेरा’ प्रविधि भित्र्याएको छ। अब जहाँ भए पनि स्थिर र स्पष्ट तस्बिर तथा भिडियो खिच्न सकिनेछ ।

ग्यालेक्सी कृत्रिम बौद्धिकता (एआई) द्वारा सञ्चालित ग्यालेक्सी एम१७ ५जीमा सर्कल टू सर्च विथ गुगल र रियल टाइम एआई एसिस्टजस्ता सुविधा समावेश छन्, जसले खोज, धेरै काम एकैपटक गर्ने र कुराकानीलाई झन् सहज बनाउँछ। ६ नानोमिटरको एक्जिनोस १३३० प्रोसेसरले काम, गेमिङ र स्ट्रिमिङमा छिटो तथा शक्ति बचत गर्ने प्रदर्शन दिन्छ।

यसका मुख्य विशेषताहरू हुन् ६.७ इन्चको एफएचडी प्लस सुपर एमोलेड डिस्प्ले् रहेको छ, जसलाई कर्निङ गोरिल्ला ग्लास भिक्टसले सुरक्षित गरेको छ। साथै, आईपी५४ मापदण्ड ले यो फोनलाई धूलो र पानीबाट सुरक्षा दिन्छ ।

यसको ४ जीबी / १२८ जीबी भेरियन्टको मूल्य २५ हजार ९९९ रुपैयाँ र ६ जीबी / १२८ जीबी भेरियन्टको मूल्य २७,९९९ रुपैयाँ रहेको छ । ग्यालेक्सी एम१७ ५जी अब देशभरका सामसङ आधिकारिक खुद्रा पसलहरू, सामसङ प्लाजा, र प्रमुख विद्युतीय किनमेलका मञ्चहरूमा उपलब्ध छ।