शनिबार, मंसिर १३, २०८२
कर्पोरट खबर
1:24 pm, शनिबार, मंसिर १३, २०८२
काठमाडौँ । भारतले चक्रवात दित्वाबाट प्रभावित श्रीलंकालाई १२ टन राहत सामग्री सहयोग पठाएको छ ।
भारतीय विदेशमन्त्री एस. जयशंकरले भारतले चक्रवात दित्वाबाट प्रभावित श्रीलंकालाई अहिलेसम्म १२ टन राहत सामग्री पुर्याएको जानकारी दिएका छन् ।
उनले भनेका छन्– ’अपरेसन सागर बन्धु सुरु भयो । भारतीय वायु सेनाको सी– १३० विमान लगभग १२ टन मानवीय सहायता बोकेर कोलम्बो आइपुग्यो, जसमा पाल, तिरपाल, कम्बल, स्वच्छता किट र खाद्य वस्तुहरू समावेश छन् ।’
श्रीलंकाको विपद् व्यवस्थापन केन्द्रले शनिबार बिहान ६ बजेसम्म चक्रवात दित्वाबाट ६९ जनाको मृत्यु भएको पुष्टि गरेको छ, जबकि कम्तिमा ३४ जना अझै बेपत्ता रहेका छन् । केन्द्रका अनुसार यस विपद्बाट करिब ६१ हजार परिवारका दुई लाखभन्दा बढी मानिसहरू प्रभावित भएका छन् ।
FACEBOOK COMMENTS