चीनले दिएको अक्सिजन सिलिन्डर नेपाल आइपुग्यो

काठमाडौं, वैशाख २८ –  चीन सरकारले सहयोगस्वरूप दिएको चार सय थान अक्सिजन सिलिन्डर नेपाल आइपुगेको छ । सिलिन्डरसहित १७३ अक्सिजन कन्सर्नट्रेटर, १० थान भेन्टिलेटर र अन्य स्वास्थ्य सामग्रीसहित नेपाल वायुसेवा निगमको जहाज नेपाल आइपुगेको हो । 

निगमको वाइडबडी ए ३३० जहाज ती सामान लिन सोमबार राति बेइजिङ गएको थियो । चीनको होङ्सी होल्डिङ ग्रुपले दिएको २०० थान अक्सिजन कन्सर्नट्रेटरमध्ये नेपाल एयरलाइन्सको वाइडबडी जहाजले पहिलो लटमा १७३ ओटा ल्याएको हो ।