बीबी थापाको ‘हजारौँमा तिमिलाई’सार्वजनिक

काठमाडौं,९ भदौ । ‘म तिम्रो सहर छोडी टाढा’, ‘ पुरानो डुङ्गा’ लगायत थुप्रै चर्चित गीत दिएका गीतकार बीबी थापाको नयाँ गीत ‘हजारौँमा तिमिलाई’सार्वजनिक भएको छ ।  मनोज चौलागाईंको संगीत एवं संगीत संयोजन रहेको गीतमा गायक सुरेश लामा र गायिका शीलु अधिकारीको युगल स्वर छ ।

गीतको भिडियो समेत निर्माण भएको छ । जसमा रविन शाह र पूर्णिमा मगरको अभिनय देख्न सकिन्छ । प्रेमकथा बुनिएको भिडियोमा रविन शाहले नै निर्देशन गरेका हुन् ।

बीबी थापा इन्टरटेनमेन्टको युट्यूब मार्फत सार्वजनिक गीतमा  दिनेश पराजुलीको छायाँकन, अमृत चापागाईको सम्पादन छ ।