परराष्ट्रमन्त्री खड्का आज सर्विया जाँदै

काठमाडौं । परराष्ट्रमन्त्री डा. नारायण खड्का आज सर्विया जाँदै छन् ।

मन्त्रिपरिषद् बैठकको निर्णयनुसार मन्त्री खड्का सर्वियामा हुने असंलग्न राष्ट्रहरूको शिखर सम्मेलनमा भाग लिन त्यसतर्फ प्रस्थान गर्न लागेका हुन् । उक्त बैठकमा १२० भन्दा बढी असंलग्न परराष्ट्र नीति अख्तियार गरेका राष्ट्रका परराष्ट्रमन्त्रीहरूको सहभागिता रहनेछ ।

मन्त्री खड्का शिखर सम्मेलनमा भाग लिन शनिबार त्यसतर्फ जाने सचिवालय स्रोत भन्यो ।