![](https://i0.wp.com/corporatekhabar.com/wp-content/uploads/2024/07/corporatekhabar-800x200-1.jpg?fit=800%2C200&ssl=1)
![](https://i0.wp.com/corporatekhabar.com/wp-content/uploads/2023/06/IME-Life-1200x100-1.gif?fit=1200%2C100&ssl=1)
काठमाडौं । चालु आर्थिक वर्षको ७ महिनामा २० वटा वाणिज्य बैंकले करिब साढे ३५ अर्ब रुपैयाँ नाफा आर्जन गरेका छन् । माघ मसान्तसम्म २० वटा वाणिज्य बैंकले ३५ अर्ब ४९ करोड २४ लाख रुपैयाँ नाफा कमाएका छन् ।
बढी नाफा कमाउनेमा नबिल बैंक रहेको छ । नबिलले ३ अर्ब ९८ करोड ६५ लाख रुपैयाँ नाफा कमाएको छ । नबिल पछि राष्ट्रिय वाणिज्य बैंक र ग्लोबल आइएमई बैंक रहेका छन् ।
राष्ट्रिय वाणिज्य बैंकले २ अर्ब ६८ करोड ३० लाख रुपैयाँ नाफा कमाएको छ भने ग्लोबल आइएमई बैंकले २ अर्ब ६८ करोड २९ लाख रुपैयाँ नाफा कमाएको छ ।
चौंथो स्थानमा रहेको प्राइम बैंकले २ अर्ब ५४ करोड ६९ लाख रुपैयाँ नाफा कमाएको छ । नेपाल इन्भेष्टमेन्ट मेगा बैंकले २ अर्ब ३८ करोड रुपैयाँ, एनआइसी एशिया बैंकले २ अर्ब १४ करोड ३० लाख रुपैयाँ नाफा कमाएको छ । एभरेष्ट बैंकले १ अर्ब ९८ करोड ९९ लाख रुपैयाँ नाफा कमाएको छ ।
स्ट्याण्डर्ड चार्टर्डले १ अर्ब ९४ करोड १७ लाख, हिमालय बैंकले १ अर्ब ८३ करोड ७४ लाख, एनएमबिले १ अर्ब ६५ करोड ९७ लाख, कृषि विकास बैंकले १ अर्ब ५७ करोड ३३ लाख, सिद्धार्थ बैंकले १ अर्ब ४१ करोड ८३ लाख रुपैयाँ, सानिमा बैंकले १ अर्ब ४० करोड १२ लाख रुपैयाँ नाफा कमाएका छन् ।
यता लक्ष्मी सनराइज बैंकले १ अर्ब ४० करोड ८७ लाख, कुमारी १ अर्ब १२ करोड १९ लाख रुपैयाँ, सिटिजन्स ९९ करोड ७८ लाख, माछापुच्छ्रे ९८ करोड ४ लाख, नेपाल बैंक ९५ करोड ९१ लाख, प्रभु बैंकले ९२ करोड ७६ लाख र नेपाल एसबिआई बैंकले ८५ करोड २४ लाख रुपैयाँ नाफा कमाएको छ ।
FACEBOOK COMMENTS