शनिबार, असोज ३, २०८३
कर्पोरट खबर
10:58 am, शनिबार, असोज ३, २०८३
काठमाडौं । नेपालको संविधान जारी भएको दिनको स्मरण गर्दै शनिबार देशभर विभिन्न कार्यक्रम आयोजना गरी संविधान तथा राष्ट्रिय दिवस मनाइँदै छ ।
०७२ असोज ३ गते संविधानसभाबाट संघीय लोकतान्त्रिक गणतन्त्र, धर्मनिरपेक्षता, समावेशिता र मौलिक हकसहितको ‘नेपालको संविधान’ जारी गरिएको थियो । सोही दिनको स्मरणमा प्रत्येक वर्ष असोज ३ गते संविधान तथा राष्ट्रिय दिवस मनाउने गरिन्छ ।
दिवसका अवसरमा काठमाडौंको सैनिक मञ्च टुँडिखेलमा मूल समारोह आयोजना गरियो । समारोहमा राष्ट्रपति रामचन्द्र पौडेल, प्रधानमन्त्री वालेन्द्र शाह (बालेन), उपराष्ट्रपति रामसहायप्रसाद यादव, प्रधानन्यायाधीश, प्रतिनिधिसभाका सभामुख, राष्ट्रियसभाका अध्यक्षलगायत संवैधानिक निकायका प्रमुख तथा उच्चपदस्थ अधिकारीहरूको उपस्थिति रह्यो ।
मूल समारोहमा नेपाली सेना, नेपाल प्रहरी, सशस्त्र प्रहरी बल, विभिन्न सांस्कृतिक समूह तथा विद्यार्थीहरूले मार्चपास, झाँकी र सांस्कृतिक प्रस्तुति गरेका थिए । कार्यक्रममा संविधानको महत्त्व, राष्ट्रिय एकता र लोकतान्त्रिक व्यवस्थाको सुदृढीकरणसँग सम्बन्धित सन्देश प्रस्तुत गरिएको थियो ।
