सोमबार, वैशाख १४, २०८३
कर्पोरट खबर
12:33 pm, सोमबार, वैशाख १४, २०८३
काठमाडौं । पछिल्लो शनिबारसम्मको प्रदर्शनरत नेपाली फिल्मको बक्सअफिस विवरण सार्वजनिक भएको छ ।
चलचित्र विकास बोर्डले शनिबार मध्यरातसम्मको ग्रस कलेक्सन बाहिर ल्याएको हो । जसअनुसार, विराज भट्ट र सुशील श्रेष्ठ स्टारर एक्सन ड्रामा ‘राम नाम सत्य’ले देशब्यापी ३ करोड ३१ लाख ५८ हजार ८२१ रुपैयाँ ग्रस कमाएको छ ।
सोही अवधिसम्म यो फिल्मलाई १ लाख १७ हजार ५६४ जना दर्शकले हेरेका छन् । विवरणअनुसार, तुलसी घिमिरे निर्देशित ‘पहाड’ ब्यापारमा धेरै कमजोर देखिएको छ ।
शनिबारसम्म यो फिल्मको कुल ग्रस ६१ लाख ७७ हजार २६२ रुपैयाँ ग्रस छ । यो फिल्मलाई १९ हजार ५३९ जना दर्शकले हेरेका छन् । बोर्डले विदेशी फिल्मको ब्यापारको विवरण भने सार्वजनिक गरेको छैन ।
