बुधबार, असोज २१, २०८३
कर्पोरट खबर
4:03 pm, बुधबार, असोज २१, २०८३
काठमाडौं । राष्ट्रपति रामचन्द्र पौडेलसमक्ष थारू आयोग र राष्ट्रिय दलित आयोगले आर्थिक वर्ष २०८२/८३ को वार्षिक प्रतिवेदन पेस गरिएको छ ।
बुधबार, राष्ट्रपतिको कार्यालयमा आयोजित छुट्टाछुट्टै कार्यक्रममा थारू आयोगका कार्यवाहक अध्यक्ष सुबोध सिंह थारू र राष्ट्रिय दलित आयोगका अध्यक्ष देवराज विश्वकर्माले आ–आफ्नो आयोगको वार्षिक प्रतिवेदन पेस गरेका हुन् ।
नेपालको संविधानको धारा २९४ बमोजिम आयोगहरूले आर्थिक वर्ष २०८२/८३ मा सम्पादन गरेका काम तथा गतिविधिसहितको वार्षिक प्रतिवेदन राष्ट्रपतिसमक्ष पेस गरेको राष्ट्रपतिको कार्यालयले जनाएको छ ।
