आजदेखि क्वाटरफाइनलका खेलहरु हुँदै, कुन-कुन टिम भिड्दैछन ?

काठमाडौं । कतारमा जारी फिफा विश्वकप २०२२ मा आजदेखि क्वाटरफाइनलका खेलहरु सुरु हुँदैछन् । आज पहिलो र दोस्रो क्वाटरफाइनल खेल हुनेछ ।

पहिलो क्वाटरफाइनल क्रोएसिया र ब्राजिलबीच राति पौने ९ बजे सुरु हुनेछ । यो खेल एजुकेसन सिटी स्टेडियममा हुनेछ । यस्तै मध्यराति पौने १ बजे सुरु हुने दोस्रो क्वाटरफाइनलमा नेदरल्याण्ड्स र अर्जेन्टिना आमने-सामने हुनेछन् ।

यो खेल लुसेल आइकोनिक स्टेडियममा हुनेछ

यी दुई क्वाटरफाइनलका विजेता टिम सेमिफाइनलमा भिड्नेछन् ।

जापानलाई पेनाल्टी सुटआउटबाट हराउँदै क्रोएशीया क्वाटारफाइनलमा पुगेको हो भने दक्षिण कोरियालाई ४-१ गोलले पराजित गर्दै ब्राजिल क्वाटारफाइनलमा पुगेको हो ।

त्यसैगरी, अमेरिकालाई ३-१ गोलले पराजित गर्दै नेदरल्याण्ड तथा अष्ट्रेलियालाई २-१ गोलले हराउँदै अर्जेन्टिना क्वाटारफाइनलमा पुगेको हो ।

नभेम्बर २० तारिखदेखि सुरूभएकाे विश्वकप डिसेम्बर १८ तारिखसम्म जारी रहन्छ ।