जुम्लामा कारागार बन्दीले १२ वर्ष देखि नदीको पानी पिउँदै

काठमाडौं । कारागार जुम्लामा खानेपानीको अभाव देखिएको छ।

पर्याप्त मात्रामा खानेपानीको आपूर्ति नहुँदा कारागारका बन्दीलाई पिउने, नुहाउने र कपडा धुने पानीको संकट भएको हो। दैनिक बिहान–बेलुका गरी २ घण्टा मात्र पानी आउने धारामा कैदीलाई लाइन लाग्नुपर्ने वाध्यता छ।

कारागारमा खानेपानी अभाव भएपछि कैदीबन्दीले गर्ने दैनिक क्रियाकलापमा प्रत्यक्ष असर पुगेको छ। कारागार जुम्लामा अनुसार यो समस्या अहिलेको होइन,१२ वर्षदेखि हो। कैदीले पहिले देखि बगिरहेको तिला नदीको पानी पिइरहेका छन्। २ सय कैदी बन्दीको क्षमता रहेको जुम्ला कारागारमा १ सय १० जना कैदीहरु छन्। जसमध्ये १ सय ८ पुरुष र २ महिला हुन्।

कैदीबन्दीको लागि एउटा मात्र धारा छ, त्यो पनि नियमित आउँदैन, नियमित पानी नआउँदा सरसफाइका क्रियाकलापमा कमी आउने गरेको एक कैदीले जानकारी  दिए। उनले भने संचालनमा रहेको धारामा नियमित पानी नआएकै कारण समस्या छ।साँझ र बिहान गरी २ घण्टा मात्रै धारामा पानी आउँछ। यहाँ दैनिक १० हजार लिटर पानीको जरुरत छ।

२ घण्टा आउने पानीले समस्या समाधान नहुने भन्दै जे उनले  नियमित पानी आए मात्रै यो समस्या हट्ने बताए। उनका अनुसार अपुग पानी जेनेरेटर मार्फत तिला नदीबाट तान्छौ। अहिले कारागारमा पानीको संकट परेको छ। जेनतेन अहिले थुनवा र कैदीलाई आवश्यक पर्ने पानीको बन्दोबस्त गरिएको कारागार जुम्लाले जनाएको छ।