बाल दुर्व्यवहारको रोकथामका लागि ‘आई केयर’

काठमाडौँ । एशियामा व्यापक रूपमा रहेको प्रि–स्कूल चेन किड्जीले २१, जनवरी २०२३ शनिबारका दिन काठमाडौँमा बाल सुरक्षासम्बन्धि सेमिनार ‘आई केयर’ को आयोजना गरेको छ ।

कार्यक्रमका मुख्य वक्ता, किड्जीका शिक्षाविद् किङ्स्टन डिसुजाले, विद्यार्थीहरूलाई सिकाउँदा उनीहरुको सुरक्षा पनि उत्तिकै महत्वपूर्ण हुन्छ भन्ने कुरामा कसरी किड्जी विस्वस्त रहेको जानकारी गराए ।

किड्जीले बाल दुर्व्यवहारको विभिन्न प्रकार, लक्षण र विनाशकारी प्रभावहरूका बारेमा दर्शकहरूलाई सचेत र शिक्षित बनाउने आशाका साथ बाल दुर्व्यवहारको रोकथामका लागि एउटा अभियानको रूपमा आई केयरको सुरुवात गरेको जनाएको छ । बाल दुर्व्यवहारका मुख्य चार प्रकारहरू शारीरिक दुर्व्यवहार, भावनात्मक दुर्व्यवहार, उपेक्षा र यौन दुर्व्यवहार भएको किड्जीले जनाएको छ ।

किड्जीले दुई हजारभन्दा बढी केन्द्रको सञ्जालका साथमा १४ लाख विद्यार्थीहरूलाई पालन–पोषण गरेको छ । आई केयरले एक लाखभन्दा बढी शिक्षकहरूलाई तालिम दिएको जनाएको छ । नेपालका ५ प्रमुख शहरका १३ स्थानमा किड्जीको उपस्थिति बढ्दो क्रममा छ । २० वर्षभन्दा बढीको विरासत रहेको प्रारम्भिक बाल्यकाल हेरचाह र शिक्षामा अग्रगामी, किड्जी ‘बाल्यकालको लागि के सही छ भन्ने सिद्धान्त’ द्वारा निर्देशित रहेको बच्चाहरु सिक्ने र बढ्ने सुरक्षित ठाउँ भएको किड्जीको दाबी छ ।

ललितपुर महानगरपालिकाको उप–मेयर मञ्जली शाक्य बज्रचार्यको प्रमुख आतिथ्यमा आयोजित सो कार्यक्रममा काठमाडौँ उपत्यकाका प्रसिद्ध विद्यालय र प्रि– स्कूलका प्रिन्सिपलहरूलाई आमन्त्रित गरिएको थियो ।