घोराही सिमेन्टले पायो प्रिमियममा आईपीओ निष्काशन गर्ने अनुमति

काठमाडौँ। घोराही सिमेन्ट कम्पनीले प्राथमिक सार्वजनिक निष्काशन (आईपीओ) को अनुमति पाएको छ।

नेपाल धितोपत्र बोर्डबाट वैशाख पहिलो साता कम्पनीले आईपीओ जारी गर्न स्वीकृति पाएको हो।

कम्पनीले ३ अर्ब ४४ करोड रुपैयाँको ७९ लाख ४३ हजार सेयर जारी गर्नेछ।

कम्पनीले सर्वसाधारणको लागि प्रतिकित्ता ४३५ रुपैयाँ र आयोजना क्षेत्रका बासिन्दाको लागि ४०० रुपैयाँका दरले आईपीओ निष्काशन तथा बिक्री गर्नेछ।

कम्पनीको आईपीओ बिक्री प्रबन्धकमा हिमालयन क्यापिटल र नेपाल इन्भेष्टमेन्ट बैंकिङ रहेका छन्।