एक खर्ब रूपैयाँ निक्षेप संकलन गर्दै राष्ट्र बैंक

नेपाल राष्ट्र बैंकले आज १ खर्ब रूपैयाँ निक्षेप संकलनको बोलकबोल गर्दै छ ।

२१ दिनका लागि उक्त परिमाणको निक्षेप संकलन गर्न लागिएको राष्ट्र बैंकले जनाएको छ ।

यसअनुसार दिउँसो ३ बजेसम्म अनलाइन बिडिङ सिस्टम सफ्टवेयरमार्फत बोलकबोल हुनेछ । यसको ब्याजदर पनि बोलकबोलबाटै निर्धारण हुनेछ ।

सावाँ तथा ब्याज भुक्तानी असोज २० मा गरिने राष्ट्र बैंकले जनाएको छ । यसमा क, ख र ग वर्गका बैंक तथा वित्तीय संस्था मात्र सहभागी हुन पाउनेछन् । घटीमा १० करोड र बढीमा ५ करोड रूपैयाँले भाग गर्दा निःशेष भाग जाने गरी कुल आह्वान रकमसम्म बोल गर्न सकिने राष्ट्र बैंकले जनाएको छ ।

उक्त निक्षेप रकम राष्ट्र बैंकबाहेक अन्य बैंक तथा वित्तीय संस्थामा धितोका रूपमा प्रयोग गर्न सकिनेछ ।