आइतबार १ हजार ९२० जनामा कोरोना संक्रमण, २४ जनाको मृत्यु

काठमाडौं, ६ भदौ । पछिल्लो २४ घण्टामा १ हजार ९२० कोरोना संक्रमित थपिएका छन्।

देशभर गरिएको ९ हजार ४४३ पीसीआर र ३ हजार ७३ जनाको एन्टीजेन परीक्षणका क्रममा १ हजार ९२० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। यो सँगै कुल संक्रमितको संख्या पीसीआर तर्फ ७ लाख ४७ हजार ४३३ र एन्टीजेन तर्फ ८० हजार २०९ पुगेको छ।

कुल संक्रमितमध्ये ३८ हजार ७५१ सक्रिय संक्रमित छन्। गत २४ घण्टामा २ हजार २४८ जना संक्रमित निको भएका छन्। यो सँगै देशभर निको हुनेको संख्या ६ लाख ९८ हजार १७३ पुगेको छ।

पछिल्लो २४ घण्टामा २४ जना संक्रमितको मृत्यु भएको मन्त्रालयले जनाएको छ। हालसम्म कोरोना संक्रमणबाट मृत्यु हुनेको संख्या १० हजार ५०९ पुगेको छ। हाल ३५ हजार ५५५ जना होम आइसोलेसन र ३ हजार १९६ जना संस्थागत आइसोलेसनमा छन्। ४२१ जना क्वारेन्टाइन, ६८१ जना आइसीयू र १६९ जना भेन्टिलेटरमा रहेको मन्त्रालयले जनाएको छ।