एशियन लाइफ इन्स्योरेन्सको लाभांश घोषणा

काठमाडौं । एसियन लाइफ इन्स्योरेन्सले अघिल्लो आर्थिक वर्षको नाफाबाट आफ्ना सेयरधनीहरुलाई बोनस सेयर वितरण गर्ने भएको छ ।

कम्पनीको माघ १२ गते बसेको संचालक समितिको बैठकले आर्थिक वर्ष २०७९/८० को मुनाफाबाट वितरण गर्ने लाभांश प्रस्ताव गरेको हो।

जस अनुसार कम्पनीले हाल कायम चुक्ता पुंजीको ७ दशमलव ७५ प्रतिशत बोनश शेयर र कर प्रयोजनका लागि १ करोड २८ लाख ७० हजार ३ सय ५ रुपैयाँ बराबरको नगद लाभांश वितरण गर्ने प्रस्ताव गरेको हो ।

कम्पनीले कुल २५ करोड ७४ लाख ६ हजार ९५ रुपैयाँ बराबरको लाभांश वितरण गर्ने प्रस्ताव गरेको हो । हाल कम्पनीको चुक्ता पुंजी ३ अर्ब १५ करोड ५३ लाख रहेको छ ।

नेपाल बीमा प्राधिकरणले स्वीकृति दिएपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ।