शुक्रबार, जेठ १५, २०८३
कर्पोरट खबर
5:30 pm, शुक्रबार, जेठ १५, २०८३
काठमाडौं । सरकारले गण्डकी प्रदेशलाई केन्द्रमा राख्दै ठुला जलविद्युत् आयोजना निर्माणलाई प्राथमिकतामा राखेको छ ।आगामी आर्थिक वर्षको बजेटमार्फत सरकारले गण्डकी क्षेत्रलाई ऊर्जाको हब बनाउने योजना अघि सारेको हो ।
ऊर्जा सुरक्षाका लागि जलाशययुक्त आयोजनाहरूलाई मुख्य प्राथमिकता दिएको छ । १२ सय मेगावाटको बहुप्रतिक्षित बुढीगण्डकी जलाशययुक्त आयोजनालाई अधिकार सम्पन्न प्राधिकरण मोडलमा अघि बढाउने अर्थमन्त्री स्वर्णिम वाग्लेले जानकारी दिए ।
यस्तै, तनहुँ जलाशययुक्त आयोजना, माथिल्लो मोदी र तल्लो मोदी जस्ता आयोजनाहरूको निर्माणलाई तीव्रता दिने घोषणा गरिएको छ । सरकारले वित्तीय व्यवस्थापनसहित ८२८ मेगावाटको उत्तरगंगा लगायतका दर्जनौँ आयोजनाहरूको ठेक्का प्रक्रिया अघि बढाउने घोषणा गरेको छ ।
