शुक्रबार, साउन २२, २०८३
कर्पोरट खबर
1:15 pm, शुक्रबार, साउन २२, २०८३
काठमाडौं । शहीद गंगालाल राष्ट्रिय हृदय केन्द्रको निर्देशकमा वरिष्ठ नेस्थेसियोलोजिस्ट प्रा.डा. आशिष गोविन्द अमात्य नियुक्त भएका छन्।
नवनियुक्त निर्देशक डा.अमात्यले स्वास्थ्य तथा खाद्य स्वच्छता मन्त्री निशा मेहतासमक्ष आज पद तथा गोपनीयताको शपथ ग्रहण गरेका हुन्। उनी लामो समयदेखि केन्द्रमै कार्यरत रहेर मुटु शल्यक्रियाका लागि आवश्यक कार्डियाक एनेस्थेसिया क्षेत्रमा विशेषज्ञता हासिल गरेका चिकित्सक हुन्।
अमात्य नेपालका अनुभवी कार्डियाक एनेस्थेसिया विशेषज्ञमध्ये एक मानिन्छन्।
उनले गंगालाल हृदय केन्द्रमा एनेस्थेसिया सेवाको विस्तार, दक्ष जनशक्ति विकास तथा जटिल मुटु शल्यक्रियालाई सुरक्षित र प्रभावकारी बनाउन महत्वपूर्ण योगदान पुर्याउँदै आएका छन्।
