शुक्रबार, जेठ २९, २०८३
कर्पोरट खबर
12:44 pm, शुक्रबार, जेठ २९, २०८३
काठमाडौं । नेपाल चेम्बर अफ कमर्स (एनसीसी) का अध्यक्ष कमलेश अग्रवालले ऊर्जा क्षेत्रमा आएको बजेट र नीति तथा कार्यक्रम स्वागतयोग्य रहेको बताएका छन् ।
इप्पानको २४औं साधारण सभा तथा आठौँ अधिवेशनमा शुभकामना मन्तव्य दिँदै उनले यस्तो बताएका हुन् ।
सरकारले ऊर्जा क्षेत्रको लागि ल्याएको नीति तथा कार्यक्रम र बजेट स्वागत योग्य छ । विद्युत् व्यापार र प्रसारण लाइनमा निजी क्षेत्रलाई भित्र्याउने भनिएको छ । यसका साथै विभिन्न समस्याको समाधान गर्ने खालको बजेट आएकोले स्वागतयोग्य छ ।
उनले नेपाल लामो समयदेखि नीति र नियतीको दलदलमा फसेको बताए । ‘नीति र नियतिको दलदलमा बस्यो । नीति जहिले राम्रो आउने तर नियती राम्रो भएन्,’ उनले भने, ‘त्यसैले नीति राम्रो आउने तर काम नहुने अवस्था आयो । अपेक्षाकृत काम हुन सकेन् ।’
उनले नेपालको पानी भनेको सुनको खानी भएको समेत बताए ।
