आइतबार, असोज २५, २०८३
कर्पोरट खबर
1:08 pm, आइतबार, असोज २५, २०८३
काठमाडौं । रसुवाको भोटेकोसी क्षेत्रमा गत १० भदौमा आएको भीषण बाढीका कारण प्रभावित सडक यातायातलाई सहज बनाउने उद्देश्यले बेत्रावतीमा एक्रो बेलीब्रिज निर्माण गरी सञ्चालनमा ल्याइएको छ ।
बाढी आएको ४५ दिनपछि निर्माण सम्पन्न भएको बेलीब्रिजको नेपाली सेनाले आज एक कार्यक्रमबीच उद्घाटन गरेको हो ।
बेलीब्रिज सञ्चालनमा आएसँगै बाढीका कारण प्रभावित बनेको सडक सम्पर्क पुन: सहज हुने अपेक्षा गरिएको छ । पुल सञ्चालनमा आएपछि स्थानीय बासिन्दा तथा उक्त सडकखण्ड भएर आवतजावत गर्ने यात्रु र सवारीसाधनलाई राहत पुग्ने विश्वास गरिएको छ ।
भोटेकोसी क्षेत्रमा आएको भीषण बाढीले सडक तथा पुलका संरचनामा क्षति पुर्याउँदा त्यस क्षेत्रको यातायात सेवा प्रभावित बनेको थियो । बेलीब्रिज निर्माणसँगै आवागमन सहज बनाउन महत्त्वपूर्ण सहयोग पुग्ने अपेक्षा गरिएको छ ।
