आइतबार, जेठ ३, २०८३
कर्पोरट खबर
10:15 am, आइतबार, जेठ ३, २०८३
काठमाडौं । सत्तारुढ दल राष्ट्रिय स्वतन्त्र पार्टी (रास्वपा)ले आज देशभर वडा अधिवेशन गर्दै छ । गत २० वैशाख अघि तदर्थ समिति गठन भएका करिब १५ सय वडाको अधिवेशन आइतबार गर्न लागिएको हो ।
संगठन विभाग सचिव शंकर श्रेष्ठका अनुसार करिब ३ हजार वडामा तदर्थ समिति बनिसकेको छ । जसमध्ये ५० प्रतिशतको अधिवेशन चुनाव अघि र पछि गरेर सकिएको छ । तदर्थ समिति बनेका तर वडा अधिवेशन हुन नसकेका बाँकी वडाको अधिवेशन आज हुनेछ ।
रास्वपाले वडा अधिवेशन दुई चरणमा गर्ने निर्णय गरेको थियो । जसअनुसार ३ जेठभित्र गठन भएका तदर्थ समितिका वडामा भने १६ जेठमा अधिवेशन गर्ने तयारी गरेको छ ।
रास्वपाले सबै तहको अधिवेशन गरेर आगामी ७ देखि ९ असारसम्म चितवनमा महाधिवेशन गर्दै छ ।
