बुधबार, भदौ १०, २०८३
कर्पोरट खबर
1:42 pm, बुधबार, भदौ १०, २०८३
काठमाडौँ । रसुवामा आएको बाढीपछि रसुवागढी भन्सार कार्यालयमा कार्यरत १४ कर्मचारीको अवस्था अझै यकिन हुन सकेको छैन। उनीहरूसँग सम्पर्क स्थापित गर्न खोज, उद्धार तथा समन्वय भइरहेको छ।
पछिल्लो विवरण अनुसार रसुवा भन्सार कार्यालयमा ३६ स्थायी दरबन्दी छ। तीमध्ये प्रमुख भन्सार प्रशासक राजेन्द्र ढुंगानासहित २५ जना सम्पर्कमा आएका छन्।
बाँकी ११ जना स्थायी कर्मचारीसँग भने अहिलेसम्म सम्पर्क हुन सकेको छैन। उनीहरूको अवस्था बुझ्ने तथा सम्पर्क स्थापित गर्ने प्रयास भइरहेको छ।
बाढीबाट भन्सार क्षेत्र प्रभावित
बुधबार बिहान तिब्बततर्फबाट भोटेकोशीमा आएको आकस्मिक बाढीले टिमुरेस्थित रसुवागढी भन्सार क्षेत्रसमेत प्रभावित बनाएको छ। भन्सार कार्यालय, यार्ड तथा आसपासका पूर्वाधारमा क्षति पुगेको प्रारम्भिक विवरण आएको छ।
बाढीका कारण सडक, सञ्चार तथा अन्य पूर्वाधार प्रभावित भएकाले घटनास्थलको पूर्ण अवस्था र कर्मचारीको विवरण तत्काल यकिन गर्न कठिनाइ भइरहेको छ।
सम्बन्धित निकायले सम्पर्कमा आउन बाँकी कर्मचारीको खोजीसँगै उद्धार तथा अन्य निकायसँगको समन्वय जारी राखेको छ।
